Ottadalen Mølle starta som eit andelslag i 1976. I 2013 vart organisasjonsformen endra til samvirkeforetak (SA). Det er i dag 211 eigarar frå kommunene Lom, Skjåk og Vågå. Hovedkontoret med administrasjon, butikk, dekksalg/verksted og produksjonslokale ligg i Lom sentrum. Mølla har butikkutsalg og lager i Vågå i tillegg til ei lita mølle ved Ofossen i Skjåk der produksjonen av Skjåkmjøl og Skjåkgryn foregår. Dette er mjøl og gryn av bygg frå distriktet.
Omsetninga er stigande og var i år 2022 på 240 millionar kroner, dette fordelt på 27 årsverk.
Produksjonslokala har heilt sidan starten vore under utvikling og ombygging og vi har i dag eit topp moderne kraftfôranlegg. Kraftfôrproduksjonen ligg på ca 35000 tonn årleg. Vi produserer heile Norgesfôr-konseptet på drøvtyggerfôr i tillegg til svinefôr for purke, slaktegris og smågris. Andre kraftfôrtyper som økologisk, fjørfe og hest kjøper vi inn av andre Norgesfôr-bedrifter.
Hovedsalgsområdet vårt er Nord-Gudbrandsdalen som vi handterer sjølv med unnatak av Lesja og Dovre der vi har forhandleravtale med Norfor AS og Lesja Bulldozerlag AS. Vi har også fått eit betydeleg salg på Vestlandet med salgspunkt via Thor Tenden AS i Stryn, Eiksenteret på Ørsta og Eiksenteret i Hafslo.
I tillegg til kraftfôrproduksjonen mottek og handterer vi alt korn i distriktet. Ottadalen er eit område med stort dyretal spesielt på drøvsida, slik at grovfôrproduksjonen er stor og kornproduksjonen heller liten. Vi mottek årleg om lag 2700 tonn bygg.
I den seinare tida har vi fokusert på å bli meir totalleverandør av driftsmidler, og vi forhandler både tilskotsfôr, handelsgjødsel, såvarer, ensileringsmidler, plantevern, kalk og hygienemidler og har etter kvart utvikla eit nokså breidt spekter av butikkvarer sikta spesielt mot landbruk og hagebruk.
Vårt organisasjonsnummer er 913 980 484.
Velkomen til Norgesfôr Ottadalen – bondens trygge valg!
